Informasjon om huset:

Bondalseidet Sportskapell / Ungdomssenter

Huset eignar seg godt for utleige til lag eller familiar, men også for utleige til private arrangement som til dømes bryllaup, barnedåp og konfirmasjon. Standarden er enkel, men god. Det er innlagt elektrisitet og vatn. Avløpet går til kommunalt nett.  Plasseringa av huset gir eit glimrande utgangspunkt for bruk av skisenteret om vinteren, og det er tallause turmoglegheiter i skog og fjell heile året.

Finn vegen til Sportskapellet!

Huset ligg 100 m vest for parkeringsplassen til Ørsta Skisenter på Bondalseidet  mellom Ørsta og Sæbø på  Sunnmøre. Det er eigen veg ned til huset frå parkeringsplassen ved skisenteret.Vegen er normalt ikkje brøytt om vinteren, men kan brøytast etter avtale. I vintersesongen er det parkeringsavgift på parkeringsplassen til skisenteret, og i helgane er plassen ofte full tidleg på dag.

Webkamera

Næraste webkamera står ved parkeringsplassen til skisenteret, og på toppen av Eitrefjell ( Webkamera ).

Veirmelding

Her finn du veirmelding for Bondalseidet: Yr for Bondalseidet 

Nokre fakta:

• huset ligg på 62°08′57″N 06°17′15″A. 309 m.o.h.
• det er høve for parkering ved huset
• huset er bygd i to plan
• kjellaren har 4 soverom med totalt 24 sengeplassar (8+4+4+8)
• i kjellaren er det WC og bad med dusj.
• medrekna lause madrasser og ein sovesofa er det totalt 40 soveplassar.
  
• 1. etasje har peisestove ( ca. 30 sitteplassar ), kapell-sal ( ca. 50 sitteplassar ) og eit kjøkken
• huset er tilkopla kommunalt nettvatn. Avløpet går via eigen pumpekumme til kommunalt avløp.
  
• det er to beredarar for varmtvatn: ein for kjøkken og ein for WC / bad.
• oppvarming skjer med varmekablar, varmevifte og / eller peis
• kjøkkenet er bra utstyrt med mellom anna kjøleskap, 2 komfyrar og oppvaskmaskin. I tillegg er det frysar i kjellaren.
• det er ikkje telefon i huset, men det er brukbar dekning for mobiltelefon. ( Telenor )
• det er ikkje førstehjelpsutstyr i huset